Isertukkanut alakkaamasallit (kalaallisut)

Atuagaq "Isertukkanut alakkaamasallit" tassaavoq inuiaat Kalaallit piorsarsimassutsikkut anersaakkullu siuarsimassusiannik tulluusimaarutiginnilluni saqqummiussaq. Isummatigut pivisunnguinerit ilaatigut nassuiarneqarsinnaanngitsut inuunermili pivisorsivigalugit misigineqarsimasut saqqummiussorneqarput. Inuiaat Kalaallit nunarsuup avannaarpiarsuani inuunermut naleqqussarsimapput sutigut tamatigut. Timikkut atugassarititaasutigut nerisatigut, atisatigut, illoqarniarnikkut, piniutitigut angallatitigullu isummersuutit inuunermut tulluarsakkat pivisunngortillugit pigilersimavaat. Anersaakkut inuunerminni timikkut atukkatik aallaavigalugit avatangiisiminni anersaat silarsuaat silattuussimavaat. Atuakkami saqqummiussakka allaaseraakka isumaqarama isertukkat pisartut sitsiusimaarneri nalerput allaat angullugu malussarfigineqaannarnatik pivisorsivigineqartartut.